Stúdentaspjallið
Stúdentaspjallið er hlaðvarpssería þar sem við skyggnumst inn í heim stúdenta við Háskólann á Akureyri. Hér fá stúdentar orðið og deila fjölbreyttum verkefnum, hugmyndum og sjónarhornum. Ef þú hefur áhuga á nýjum hugmyndum, skapandi verkefnum eða vilt heyra hvernig stúdentar nálgast samtímann, þá er Stúdentaspjallið vettvangurinn þar sem fróðleikur og innsýn mætast á þeirra eigin forsendum.
Listen on:
Episodes
Friday May 23, 2025
Friday May 23, 2025
Ágúst Herner Konráðsson stúdent við fjölmiðlafræði við Háskólann á Akureyri tekur viðtal við Maríu Dís Ólafsdóttur um doktorsverkefnið hennar. Hlaðvarpið er verkefni við fjölmiðlafræðina.
Í verkefninu hjá Maríu Dís verða gerðar prófanir og mælingar á íslensku laxaroði með það að leiðarljósi að hægt verði að endurmóta roðið yfir breiður. Eftir endurmótun verður breiðan sútuð yfir í leður og lituð. Helstu áskoranir í verkefninu er að ná roðinu í sundur án þess að valda of miklum skaða og að ná því saman aftur á nýju formi með nægum styrk svo hægt sé að súta það og nota í vörur. Verkefnið er doktorsverkefni rannsakandans og er viðkomandi starfskraftur skólans og stofnandi Nanna Lín.
Friday May 23, 2025
Friday May 23, 2025
Sveinn Brimar Jónsson stúdent í fjölmiðlafræði við Háskólann á Akureyri tekur viðtal við Mariu Finster Úlfarsdóttur um doktorsverkefnið hennar. Hlaðvarpið er verkefni við fjölmiðlafræðina.
Megin markmið doktorsverkefnis Mariu er að kanna kynjamun á þátttöku fullorðinna barna í umönnun mæðra sinna á hjúkrunarheimilum og þörfum barnanna fyrir fræðslu og stuðning frá heilbrigðisfólki. Verkefnið er brotið niður í þrjár rannsóknir (Rannsókn I-III)
Verkefnið er brotið niður í þrjár rannsóknir (Rannsókn I-III)
Rannsókn I er eigindleg rannsókn sem byggir á aðferðafræði Vancouver School og Doing Phenomenology. Markmið hennar er að kanna reynslu sona af því að eiga aldraða móður á hjúkrunarheimili og annast um hana, hvernig hjúkrunarheimilisdvölin mótar mæðginasambandið og þarfir sonanna fyrir fræðslu og stuðning.
Rannsókn II miðar að því að þýða, staðfæra og meta sálfræðilega eiginleika matskvarðans F-INVOLVE/F-IMPORTANT, sem metur þátttöku fjölskyldumeðlima í umönnun ástvina á hjúkrunarheimilum.
Rannsókn III er þversniðsrannsókn sem byggir á gögnum úr rannsókn II. Markmið hennar er að kanna kynjamun á þátttöku fullorðinna barna í umönnun mæðra sinna á hjúkrunarheimilum og þörf þeirra fyrir fræðslu og stuðning frá heilbrigðisstarfsfólki.